ដោយ៖ វិចិត្រ

យោងតាមព្រឹត្តិបត្រព័ត៌មាន ស្តីពីស្ថានភាពធាតុអាកាសរបស់ក្រសួងធនធានទឹក និង​ឧតុ​និ​យ​ម ដែលចេញផ្សាយនៅព្រឹកថ្ងៃទី៦ ខែកុម្ភៈ ឆ្នាំ២០២៦ បានឱ្យដឹងថា​តំបន់មាត់សមុទ្រ​ចាប់ពី​ថ្ងៃទី៦ ដល់ថ្ងៃទី៨ ខែកុម្ភៈ អាចនឹងមានភ្លៀងធ្លាក់ ជាមួយខ្យល់កន្ត្រាក់គ្របដណ្តប់លើផ្ទៃដី ១០%។ ចំពោះរលកសមុទ្រមានកម្ពស់មធ្យមអប្បបរមា ០,៥០ម៉ែត្រ និងកម្ពស់មធ្យមអតិបរមា ១,០០ម៉ែត្រ។

ក្រសួងបានឱ្យដឹងថា ករណីនេះបណ្តាលមកពីសម្ពាធទាបដែលកើតនៅមហាសមុទ្រប៉ាស៊ី​ហ្វិ​ក​​​ខាងលិចបានវិវត្ត​ទៅ​ជាព្យុះទី២ ឈ្មោះ ពែនញ៉ា (Penha) T2602 មានឥទ្ធិពលលើរបប​ខ្យ​ល់​មូសុងឦសាន ដែលបក់លើសមុទ្រចិនខាងត្បូង អាងទន្លេមេគង្គ សមុទ្រកម្ពុជា និង​លើ​ប្រ​ទេ​ស​កម្ពុជា។

ក្នុងនោះនៅតំបន់វាលទំនាប មានកម្រិតសីតុណ្ហភាពមធ្យមអប្បបរមា២២°C និងសីតុណ្ហភាព​មធ្យមអតិបរមា៣៣°C។ ខ្យល់បក់មកពីទិសឦសាន និងទិសបូព៌មានល្បឿនមធ្យម ២ម៉ែត្រ/ វិនាទី ប៉ុន្តែពុំមានភ្លៀងធ្លាក់ទេ។

ចំពោះនៅតំបន់ខ្ពង់រាបមានកម្រិត សីតុណ្ហភាពមធ្យមអប្បបរមា២១°C និងសីតុណ្ហភាព​មធ្យ​ម​អតិបរមា៣២°C។ ខ្យល់បក់ មកពីទិសឧត្តរ និងទិសឦសានមានល្បឿនមធ្យម ៣​ម៉ែត្រ/​វិនា​ទី​ ពុំមានភ្លៀងធ្លាក់ទេ។

សម្រាប់តំបន់មាត់សមុទ្រវិញ មានកម្រិតសីតុណ្ហភាពមធ្យមអប្បបរមា២២°C និងសីតុណ្ហភាព​មធ្យមអតិបរមា៣៣°C។ ខ្យល់បក់មកពីទិសនិរតី និងទិសអាគ្នេយ៍មានល្បឿនមធ្យម ៥ម៉ែត្រ វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់​ជាមួយ​ខ្យល់​កន្ត្រាក់​គ្របដណ្តប់លើផ្ទៃដី ១០%៕