ដោយ៖  កែវ រតនៈ

យោងតាមការផ្សព្វផ្សាយរបស់ក្រសួងបរិស្ថានបានឱ្យដឹងថា​ នៅព្រឹកថ្ងៃទី១៩ ខែមីនា ឆ្នាំ២០២៦ មន្ទីរបរិស្ថាន​ខេត្តក្រចេះ ដឹកនាំដោយលោក គា ប៊ូ ប្រធានមន្ទីរបរិស្ថាន សហការជាមួយរដ្ឋបាលក្រុងក្រចេះ ស.ស.យ ក ខេត្ត យុវជន ក.១៥៧ មន្ទីរអប់រំ យុវជន និងកីឡាខេត្ត លោកនាយក នាយិការរង លោកគ្រូ អ្នកគ្រូ សិស្សានុសិស្សនៃ វិទ្យាលយ័សម្តេចហ៊ុនសែនក្រុងក្រចេះ បានធ្វើយុទ្ធនាការសម្អាតអនាមយ័ បរិស្ថាន នៅទីតាំងសំខាន់ៗក្នុងសង្កាត់ក្រចេះ ដូចជាផ្លូវមាត់ទន្លេ បរិវេណផ្សារក្រុងក្រចេះ ផ្លូវបេតុងថ្មី ដែលមានអ្នកចូលរួមសរុបចំនួន២៥៥នាក់។

សូមបញ្ជាក់ថាយុទ្ធនាការនេះ រៀបចំឡើងចំពេលដែលរដ្ឋបាលខេត្តក្រចេះគ្រោងនឹងរៀបចំព្រឹត្តិការណ៍បុណ្យទន្លេលើកទី១០ នៅខេត្តក្រចេះ ឆ្នាំ២០២៦ ចាប់ពីថ្ងៃទី២៧ ដល់២៩ ខែមីនា ២០២៦ ខាងមុខ និងក៏ជាការត្រៀមអបអរសាទរពិធីបុណ្យចូលឆ្នាំប្រពៃណីជាតិខ្មែរោងដែរ។ ក្នុងយុទ្ធនាការថ្ងៃនេះ ផ្លូវក្នុងក្រុងប្រមាណ​១០​គីឡូ​ម៉ែត្រ ត្រូវបានសម្អាត និងសំណល់ប្លាស្ទិចទម្ងន់១១០.១៥ គីឡូក្រាមត្រូវបានប្រមូល។

ក្រសួងបន្តថា ជាការសង្កេតរូម តាមរយ:ការចុះវាយតម្លៃស្ថានភាពអនាមយ័របស់ក្រុមការងារមន្ទីរបរិស្ថាន អាចធ្វើការសន្និដ្ឋានថា បច្ចុប្បន្នក្រោមការដឹកនាំរបស់រដ្ឋបាលខេត្តក្រចេះ និងការខិតខំប្រឹងប្រែងរួមគ្នារវាងមន្ទូីរបរិស្ថានខេត្ត រដ្ឋបាលក្រុងក្រចេះ ដែលមានការចូលរួមពីមន្ទីរអប់រំ យុវជន និងកីឡាខេត្ត និងអ្នកពាក់ពន្ធ័សំខាន់ៗ រួមមានសង្កាត់ក្រចេះ ធ្វើឱ្យក្រុងក្រចេះ មានសោភណ័ភាពគួរឱ្យទាក់ទាញ ក្នុងនោះស្ថានភាពអនាម័យទ័ពបរិស្ថាន មានភាពប្រសើរឡើង។ មន្ទីរបរិស្ថាន អាចធ្វើការវាយតម្លៃជារួមថាក្រុងក្រចេះមានផ្លូវស្អាតប្រមាណ៩០%៕

 រូបភាព៖ ក្រសួងបរិស្ថាន