សារព័ត៌មានបៃតងប៉ុស្តិ៍

ក្រសួងកសិកម្ម និងដៃគូអភិវឌ្ឍ ចុះពិនិត្យ និងវាយតម្លៃការអនុវត្តគម្រោងគាំទ្រកសិករសហគមន៍ កសិកម្ម និងក្រុមហ៊ុនកសិកម្ម ក្នុងខេតចំនួន២

13 ម៉ោងមុន

ដោយ៖ វិចិត្រ

 

ក្រសួងកសិកម្ម បានសហការ​ជាមួយ​ដៃគូ​អភិ​វឌ្ឍ​ ចុះពិនិត្យ និងវាយតម្លៃការអនុវត្ត​គម្រោង​អភិ​វឌ្ឍន៍ ដើម្បីគាំទ្រកសិករ សហគមន៍កសិកម្ម និង​ក្រុមហ៊ុនកសិកម្ម ក្នុងខេត្តកំពង់ស្ពឺ និង​កំពង់ធំ។ ក្នុងណើរចុះពិនិត្យនោះ ធ្វើឡើងរយៈពេល២ថ្ងៃ ដោយចាប់ពីថ្ងៃទី១៩ ដល់២០ ខែឧសភា ឆ្នាំ២០២៦។

 

បើតាមការផ្សព្វផ្សាយរបស់ក្រសួងកសិកម្ម រុក្ខាប្រមាញ់ និងនេសាទ នៅព្រឹក​ថ្ងៃព្រហ​ស្ប​តិ៍​នេះ នាដំណើរចុះពិនិត្យនោះ ក្រុមការងារបានវាយតម្លៃការផលិត និងការ​បញ្ចូល​ប្រើ​ប្រាស់​ធ្យូងអង្កាម (Biochar) ជី និងថ្នាំកសិកម្ម​ដែលផ្សំពី​ធ្យូងអង្កាម ការដាំ​ដុះដំណាំ​ចង្ក្រង់​ស្វា​ ដើម្បីកែលម្អគុណភាព ឬ ជីជាតិដី ការពិសោធន៍ប្រៀបធៀបប្រសិទ្ធភាព​នៃការគ្រប់​គ្រង និង​ថែទាំ​ដំណាំ លើទិន្នផល និងគុណភាពគ្រាប់ស្រូវ និងគ្រាប់​ស្វាយ​ចន្ទី ហើយក្នុង​នោះ​ក៏​រួមទាំង​ដំ​ណើរ​ការរបស់រោងសម្ងួតកសិផល និងម៉ាស៊ីនបូម​ទឹក​ដែលប្រើថាមពល​ព្រះអាទិត្យ​។

 

ក្នុង​នោះ​ដែរ ក្រុមការងារក៏បានជួបជាមួយមន្ត្រីសាកលវិទ្យាល័យ​ភូមិន្ទកសិកម្ម មន្ទីរ​កសិ​កម្ម​ខេត្ត និងទីប្រឹក្សាដៃគូអភិវឌ្ឍ និងក្រុមហ៊ុន​ ដោយបានលើកអំពី​គោល​នយោ​បាយ​ថ្មី​របស់​រដ្ឋា​ភិបាល​កម្ពុជា យុទ្ធសាស្ត្រ និងសកម្មភាពសំខាន់ៗរបស់ក្រសួងកសិកម្ម។

 

ជាមួយគ្នានោះក្រុមការងារបានផ្តល់ការណែនាំ ដើម្បីកែលម្អការផ្សព្វ​ផ្សាយ​បញ្ចូល និងការ​ប្រើ​ប្រាស់​បច្ចេកទេសខាងលើ សំដៅ​អភិវឌ្ឍ​វិស័យ​កសិកម្មជាតិ ពោលគឺធ្វើឱ្យកសិករ សហគមន៍​កសិ​កម្ម និង​ក្រុមហ៊ុន​កសិកម្មផលិតស្បៀងអាហារដែលមានតម្លៃសមរម្យ និង​មានសុវត្ថិភាព កើនប្រាក់ចំណូល។

 

សម្រាប់ក្រសួងកសិកម្ម ការថែរក្សាធនធានធម្មជាតិ​កសិកម្ម ដូចជា ដី ទឹក និងព្រៃឈើ គឺជា​ការ​បង្កើន​ភាពធន់ និង​បន្ថយ​ការបង្កបញ្ហានានាដែលធ្វើឱ្យមានការប្រែប្រួលអាកាសធាតុជាដើម៕

 

 

ព័ត៌មានទាក់ទង

ពលរដ្ឋ និងយុវជនមកពីគ្រួសារក្រីក្រជាង ២ពាន់នាក់ ទទួលបានការបណ្ដុះបណ្ដាលជំនាញនៅវិទ្យាស្ថាន RPITST នៅខេត្តតាកែវ ក្រសួងកសិកម្ម និងដៃគូអភិវឌ្ឍ ចុះពិនិត្យ និងវាយតម្លៃការអនុវត្តគម្រោងគាំទ្រកសិករសហគមន៍ កសិកម្ម និងក្រុមហ៊ុនកសិកម្ម ក្នុងខេតចំនួន២ អ្នកនាំពាក្យ៖ការស្នើសុំរបស់អ្នករត់កង់បីទទួលបានដំណោះស្រាយ​សះជា​លឿនពីក្រសួងការងារ តំបន់គ្រប់គ្រងសត្វផ្សោតទន្លេមេគង្គទំហំជាង១ហិកតា ក្នុងខេត្តស្ទឹងត្រែង បានចុះបញ្ជីដីធ្លីរួចរាល់​ជាស្ថាពរ IDEA ជំរុញឱ្យផ្ដល់អត្ថប្រយោជន៍ជូអ្នកដែលធ្វើការនៅផ្នែកសេដ្ឋកិច្ចក្រៅប្រព័ន្ធដូចក្នុងប្រព័ន្ធដែរពេលចូលជាសមាជិក ប.ស. ស. វិទ្យាស្ថានពហុបច្ចេកទេសភូមិភាគតេជោសែនតាកែវ បន្តធ្វើតេស្តវាយតម្លៃសមត្ថភាពជូនពល ករមកពីថៃជិត ១០០នាក់ ដើម្បីទទួលបានវិញ្ញាបនបត្រផ្លូវការ ឯកឧត្តមរដ្ឋមន្ត្រី កសិកម្ម ចូលរួមប្រជុំអន្តរក្រសួងត្រី-វិស័យ កសិកម្ម-ទឹក-ជនបទ ថ្នាក់រដ្ឋមន្ត្រីលើកទី៦ ក្រសួងកសិកម្ម អំពាវនាវឱ្យភ្ញៀវទេសចរដែល​មក​លេងសមុទ្រ សូមកុំដកផ្កាថ្មចេញពីដែនទឹកធម្មជាតិ ដែលធ្វើឱ្យប៉ះពាល់​ដល់ការអភិរក្សជីវៈចម្រុះបាតសមុទ្រ រដ្ឋមន្ត្រីក្រសួងកសិកម្ម បើកវេទិកាសាធារណៈ​ ដើម្បីផ្សព្វផ្សាយថវិកាសមិទ្ធកម្មឆ្នាំ២០២៦​ និងសៀវភៅថវិកាពលរដ្ឋ
ព័ត៌មានថ្មីៗ
អត្ថបទពេញនិយម