ដោយ៖ វិចិត្រ

មន្ត្រីជំនាញនៃមន្ទីរបរិស្ថានខេត្តមណ្ឌលគិរីនៅថ្ងៃអាទិត្យម្សិលមិញ បានរកឃើញបទល្មើស ព្រៃឈើក្នុងដែនជម្រកសត្វព្រៃ និងដកហូតបានរណាយន្តចំនួន៤គ្រឿង ខណៈជន​សង្ស័យ​នៃ​បទល្មើសនេះបានរត់គេចខ្លួន។

តាមក្រសួងបរិស្ថានបានឱ្យដឹងថា នៅថ្ងៃទី៣ ខែឧសភា ឆ្នាំ២០២៦ មន្ត្រីជំនាញនៃមន្ទីរបរិ ស្ថា នខេត្តម​ណ្ឌលគិរី សហការជាមួយមន្ត្រីពាក់ព័ន្ធ និងមន្ត្រីឧទ្យានុរក្សការិយាល័យដែនជម្រក សត្វព្រៃភ្នំព្រេច-លំផាត់ និងក្រុមល្បាតសហគមន៍ សរុប៣១រូប ចុះល្បាត ទប់ស្កាត់ បទល្មើស ធនធានធម្មជាតិ ស្ថិតក្នុងភូមិមេមុំ និងភូមិរវាក់ ឃុំរយ៉ ស្រុកកោះញែក ខេត្តមណ្ឌលគិរី។

បើតាមក្រសួងបរិស្ថាន នៅក្នុងការល្បាតនោះមន្ត្រីបានប្រទះឃើញទីតាំងកាប់រាន​ដីព្រៃថ្មី​ចំនួន​​០១ទីតាំង ទំហំប្រហែល ០,៧០ ហិកតា ក្នុងតំបន់អភិរក្សកែវសីមា ស្ថិតក្នុងភូមិអូរច្រា ឃុំស្រែព្រះ ស្រុកកែវសីមា ខេត្តមណ្ឌលគិរី។ ក្រសួងបរិស្ថានបានបញ្ជាក់ថា ក្រុមការងារ​​កំពុង​ស្រាវជ្រាវ​សាវ​តា​បន្ត​នីតិវិធី​ច្បាប់។

ជាមួយគ្នានេះមន្ត្រីក៏បានប្រទះឃើញបទល្មើព្រៃឈើផ្សេងទៀតនៅក្នុងដែនជម្រកសត្វព្រៃភ្នំព្រេច-លំផាត់ ស្ថិតក្នុងភូមិមេមុំ និងភូមិរវាក់ ឃុំរយ៉ ស្រុកកោះញែក ខេត្តមណ្ឌលគីរី ហើយ​បានដក​ហូត​រណាយន្តម៉ាក០៧០ចំនួន០៤គ្រឿងដែលជាវត្ថុតាងនៃការប្រព្រឹត្តិបទល្មើស​យក​ទៅ​​រក្សាទុក រីឯជនសង្ស័បានរត់គេចខ្លួន៕