អត្ថបទ៖ កែវ រតនៈ

យោងតាមការចុះផ្សាយរបស់ក្រសួងបរិស្ថានបានឱ្យដឹងថា កាលពីថ្ងៃទីនៅថ្ងៃទី៨ ខែវិច្ឆិកា ឆ្នាំ២០២៤នេះ សិស្សានុសិស្ស លោកគ្រូ អ្នកគ្រូ មន្រ្តីរាជការ ប្រជាពលរដ្ឋ និយោជិត ព្រះសង្ឃ បន្តចូលរួមក្នុងយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» បានចំនួន ១១,៧១៨អង្គ/នាក់។ យុទ្ធនាការ "កម្ពុជាស្អាត ខ្មែរធ្វើបាន" ចូលរួមបានចំនួន ១០,៧៣០អង្គ/នាក់ ។

ក្រសួងឱ្យដឹងទៀតថា យុទ្ធនាការន​បានអនុវត្តនៅខេត្តកំពត ចំនួន ៥ ភូមិ ខេត្តព្រៃវែង ចំនួន ៣ឃុំ  ខេត្តស្វាយរៀង ចំនួន២ឃុំ រាជធានីភ្នំពេញចំនួន ២៣ សង្កាត់  ខេត្តកណ្ដាលចំនួន ៤ឃុំ ខេត្តក្រចេះ ចំនួន២ ឃុំ ខេត្តកំពង់ឆ្នាំងចំនួន ៣ ឃុំ ខេត្តកំពង់ចាម ចំនួន ៦ ឃុំ ខេត្តសៀមរាបចំនួន ៤សង្កាត់  ខេត្តបន្ទាយមានជ័យចំនួន៦ ឃុំ និងខេត្តព្រះវិហារចំនួន១ឃុំ ។

គួរបញ្ជាក់ថា យុទ្ធនាការ«កម្ពុជាស្អាត ខ្មែរធ្វើបាន» បានប្រកាស​ចាប់ផ្តើមពី​ថ្ងៃទី១៥ ខែឧសភា ឆ្នាំ២០២៤ ដើម្បីឆ្ពោះ​ទៅ​យុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា ដែលមានយុទ្ធសាស្រ្តច​ក្រាវិស័យបរិស្ថានជា​ត្រី​វិស័យ​តម្រង់ទិស។

​​តាមរបាយការណ៍សិក្សាស្រាវជ្រាវដែលចេញដោយអង្គការ Clean Green Cambodia  កាលពីឆ្នាំ២០២០ បង្ហាញថា សំណល់​​ប្លាស្ទិកដែលបានប្រើប្រាស់​រួច​ សម្រាប់​តែនៅ​រាជធានីភ្នំពេញមួយ មាន​​ប្រមាណ១លាន​​តោនជារៀងរាល់ឆ្នាំ ហើយចំនួននេះអាចនឹងកើន​​ឡើង​ទ្វេដង​នៅឆ្នាំ២០៣០ ប្រសិន​បើមិន​មាន​ការ​​គ្រប់គ្រង​សំណល់ប្លាស្ទិកនេះឱ្យបានត្រឹម​ត្រូវ​ទេ​​៕

រូបភាព៖ ក្រសួងបរិស្ថាន