ដោយ៖ កែវ រតនៈ

យោងតាមការចុះផ្សាយរបស់ក្រសួងបរិស្ថានៅថ្ងៃទី២៦ខែឧសភានេះបានឱ្យដឹងថា ក្រសួងបរិស្ថានបានបន្តបណ្តុះកូនឈើ សម្រាប់ចែកជូនសាធារណៈជន ដើម្បីយកទៅដាំនៅតាមទីសាធារណៈនានា និងដាំស្តារព្រៃបង្កើនគម្របបៃតង នៅកម្ពុជា។

ក្រសួងឱ្យដឹងថានៅថ្ងៃទី២៦ ខែឧសភា ឆ្នាំ២០២៦នេះ កូនឈើសរុប ៦៦ ០៤៤ ដើម ត្រូវបានបណ្តុះ នៅតាមមន្ទីររាជធានី-ខេត្តដូចជា មន្ទីរបរិស្ថានខេត្តកំពត បានបណ្តុះកូនឈើព្រៃ ចំនួន ៦៦៧ ដើម  ថ្នាលតំបន់ខេត្តមណ្ឌលគិរី បានបណ្តុះកូនឈើព្រៃ ចំនួន ៥២ ០៨៣ ដើម ថ្នាលតំបន់ខេត្តសៀមរាប បានបណ្តុះកូនឈើព្រៃ ចំនួន ៨ ៥០០ ដើម  មន្ទីរបរិស្ថានខេត្តបន្ទាយមានជ័យ បានបណ្តុះកូនឈើព្រៃ ចំនួន ១១០ ដើម  មន្ទីរ​បរិស្ថានខេត្តព្រះវិហារ បានបណ្តុះកូនត្នោត ចំនួន ៤០០ ដើម  មន្ទីរបរិស្ថានខេត្តព្រះសីហនុ បានបណ្តុះកូនឈើហូបផ្លែ ចំនួន ១៥៥ ដើម  មន្ទីរបរិស្ថានខេត្តរនតគិរី បានបណ្តុះកូនឈើព្រៃ ចំនួន ១៣៧ ដើម កូនឈើហូបផ្លែ ចំនួន ១៤៩ ដើម និងកូនត្នោតចំនួន ២៦៣ ដើម  មន្ទីរបរិស្ថានខេត្តសៀមរាប បានបណ្តុះកូនឈើព្រៃ ចំនួន ៣ ៥០០ ដើម  មន្ទីរបរិស្ថានខេត្តស្វាយរៀង បានបណ្តុះកូនឈើហូបផ្លែ ចំនួន ៨០ ដើម៕