សារព័ត៌មានបៃតងប៉ុស្តិ៍

ប.ស.ស. បើកសិក្ខាសាលាពិគ្រោះយោបល់ប៉ាន់ស្មានចំនួនប្រជាជនកម្ពុជា ឆ្នាំ២០២៤-២១០០ ដើម្បីធានានិរន្តរភាពប្រព័ន្ធសន្តិសុខសង្គមរយៈពេលវែង

9 ម៉ោងមុន

ដោយ៖ កែវ រតនៈ

ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៣០ ខែមិថុនា ឆ្នាំ២០២៦នេះ បានអញ្ជើញបើកសិក្ខាសាលាពិគ្រោះយោបល់បច្ចេកទេសស្តីពីការប៉ាន់ស្មានចំនួនប្រជាជនកម្ពុជា ឆ្នាំ២០២៤-២១០០ (Technical Consultation on The Population Projection of Cambodia, 2024-2100) តាមរយៈការប្រើប្រាស់ឧបករណ៍ ILO Pop របស់អង្គការអន្តរជាតិខាងការងារ (ILO) ជាមួយតំណាងអគ្គលេខាធិការដ្ឋានក្រុមប្រឹក្សាជាតិគាំពារសង្គម និយ័តករសន្ដិសុខសង្គម អគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា និងវិទ្យាស្ថានជាតិស្ថិតិ សរុបប្រមាណជា ៧០នាក់។

ក្នុងឱកាសបើកសិក្ខាសាលានេះ ឯកឧត្តមប្រតិភូរាជរដ្ឋាភិបាល បានថ្លែងបញ្ជាក់ថា ការព្យាករណ៍ប្រជាជន ឆ្នាំ២០២៤-២១០០ ជាការព្យាករណ៍ទិន្នន័យប្រជាជនសម្រាប់រយៈពេល ៧៥ឆ្នាំខាងមុខ ដែលកិច្ចពិភាក្សានេះ ជាការផ្ដល់ធាតុចូលដ៏សំខាន់ពីស្ថាប័ន និងភាគីពាក់ព័ន្ធផ្សេងៗ ជាមួយនឹងអ្នកជំនាញមកពីអង្គការ ILO ដើម្បីទទួលបានទិន្នន័យច្បាស់លាស់ សម្រាប់ ប.ស.ស. យកមកសិក្សាវិភាគលើការរៀបចំកញ្ចប់អត្ថប្រយោជន៍របបសន្ដិសុខសង្គម និងការគ្រប់គ្រងហានិភ័យហិរញ្ញវត្ថុរបបសន្ដិសុខសង្គម ប្រកបដោយភាពច្បាស់លាស់តាមរយៈទិន្នន័យដែលបានព្យាករណ៍។

ឯកឧត្តមប្រតិភូរាជរដ្ឋាភិបាល បានបន្ថែមថា ទិន្នន័យបឋមពីអ្នកជំនាញគ្រប់ស្ថាប័នទាំងអស់ នឹងក្លាយជាធាតុចូលប្រកបដោយភាពជឿជាក់ ហើយនឹងមានឥទ្ធិពលដល់ការវិភាគចំនួនប្រជាជនលើកម្លាំងពលកម្ម ការបង់ភាគទាន ការផ្ដល់តាវកាលិក និងការសម្រេចចិត្តបែងចែកថវិកា លើការវិនិយោគនានារបស់ ប.ស.ស. ដើម្បីធានាយុទ្ធសាស្ត្ររយៈពេលវែង និងនិរន្តរភាពនៃប្រព័ន្ធសន្តិសុខសង្គមនៅកម្ពុជា។

តាមរយៈសិក្ខាសាលានេះ ឯកឧត្តមប្រតិភូរាជរដ្ឋាភិបាល ក៏បានថ្លែងអំណរគុណ ចំពោះការគាំទ្របច្ចេកទេសរបស់អង្គការអន្តរជាតិខាងការងារ (ILO) ក្នុងការព្យាករណ៍ទិន្នន័យប្រជាជនកម្ពុជា ឆ្នាំ២០២៤-២១០០ ដែលការព្យាករណ៍នេះ អាចជួយដល់ ប.ស.ស. មានលទ្ធភាពគ្រប់គ្រាន់ ក្នុងការវិភាគ និងវាយតម្លៃផ្សេងៗ កាន់តែមានប្រសិទ្ធភាព ច្បាស់លាស់ និងមានភាពជឿទុកចិត្តកាន់តែខ្ពស់ក្នុងការបន្តអភិវឌ្ឍប្រព័ន្ធសន្តិសុខសង្គមឱ្យកាន់តែមានបរិយាបន្ន សម្រាប់ប្រជាពលរដ្ឋគ្រប់រូបនាពេលអនាគត៕

 រូបភាព៖ ប.ស.ស.

ព័ត៌មានទាក់ទង

ប.ស.ស. បើកសិក្ខាសាលាពិគ្រោះយោបល់ប៉ាន់ស្មានចំនួនប្រជាជនកម្ពុជា ឆ្នាំ២០២៤-២១០០ ដើម្បីធានានិរន្តរភាពប្រព័ន្ធសន្តិសុខសង្គមរយៈពេលវែង ក្រសួងការងារ និង OHCHR ពិភាក្សាពង្រឹងកិច្ចសហប្រតិបត្តិការលើកិច្ចគាំពារសង្គម និងការលើកកម្ពស់សិទ្ធិការងារឱ្យកាន់តែប្រសើរ សង្គមស៊ីវិលអំពាវនាវឲ្យអាស៊ានលើកម្ពស់សិទ្ធិជនមានពិការភាព ក្រសួងការងារ បើកវគ្គបណ្តុះបណ្តាលរយៈពេល ៣ថ្ងៃ ដើម្បីពង្រឹងសមត្ថភាពជនបង្គោលយេនឌ័រ រដ្ឋមន្ត្រីក្រសួងការងាប្តេជ្ញារក្នុងការដឹកនាំកែទម្រង់ និងអនុវត្តទិសដៅយុទ្ធសាស្ត្រសំខាន់ៗ សម្រាប់គ្រឹះស្ថាន TVET ក្លាយជាកន្លែងផ្ដល់ជំនាញត្រឹមត្រូវតាមទីផ្សារការងារ ប្រមុខរដ្ឋស្តីទីព្រមានមន្ត្រីខិលខូច និងឈ្មួញទុច្ចរិត ជុំវិញការនាំចូលទំនិញថៃខុសច្បាប់ ក្រសួងការងារ នឹងនាំយកឱកាសការងារជាង ៩ម៉ឺនកន្លែងជូនដល់អតីតពលករដែលត្រឡប់មកពីប្រទេសថៃ យុវជន និងពលរដ្ឋនៅក្នុងខេត្តសៀមរាបនៅថ្ងៃស្អែកនេះ ក្រសួងសាធារណការ គ្រោងបង្កើតប្រព័ន្ធសេនស័រ Sensor បំពាក់លើរថយន្តដឹកអ្នកដំណើរ និងរថយន្តដឹកជញ្ចូន ខេត្ត៤ជាប់សមុទ្រមានឱកាសការងារជិត៧ពាន់កន្លែងកំពុងរង់ចាំអតីតពលករ​មកពី​ថៃនិងអ្នកកំពុងរកការងារធ្វើ
ព័ត៌មានថ្មីៗ
អត្ថបទពេញនិយម