អត្តបទ៖ យូ វាសនា

វេទិកាកសិករថ្នាក់ជាតិលើកទី១៣ មានការសហការរៀបចំ នៅសណ្ឋាគារ អង្គរសេនជូរី រីសត & ស្ប៉ា នៃទីរួមខេត្តសៀមរាប ដោយមានតំណាងផ្សេងៗចូលរួមតំណាងរាជរាជរដ្ឋាភិបាល អង្គការសង្គមស៊ីវិល សហគមន៍កសិករ និងភាគីពាក់ព័ន្ធជាច្រើន។

វេទិការយៈពេល២ថ្ងៃនេះប្រារព្ធឡើកគោលបំណងទី១៖ ដើម្បីបង្ហាញកសិករ និងភាគីពាក់ព័ន្ធជាច្រើនទៀតអំពីគោល ការណ៍ណែនាំ និងគោលនយោបាយ ទាក់ទងនឹងការទទួលបានដើមទុន យុទ្ធសាស្ត្រទីផ្សារ កសិកម្ម​​​ឆ្លាតវៃតាមអាកាសធាតុ សហករណ៍កសិកម្ម កំណើនបៃតង និង អធិបតេយ្យភាពស្បៀងអាហារ។ ទី ២៖ ណែនាំកសិករ រួមទាំង ប្រជានេសាទសមុទ្រ និងអ្នកពាក់ព័ន្ធជា ច្រើនទៀត អំពីការអនុវត្តន៍ល្អបំផុតលើការ លើកកម្ពស់ផលិតភាពកសិកម្មប្រកបដោយ ភាពសុខដុមជាមួយធម្មជាតិ តាមរយៈ កសិកម្មសរីរាង្គ ការ​​អនុវត្តកសិកម្មទំនើបកសិអេកូឡូស៊ី កសិកម្មបង្កើតឡើងវិញ និងកសិកម្មអចិន្ត្រៃយ៍ (permaculture)។​​ ទី៣៖ ដើម្បីបង្ហាញពីសារៈសំខាន់របស់យុវជន និងស្ត្រីក្នុងវិស័យកសិកម្មនាពេលបច្ចុប្បន្ន និង​​អនាគត វិស័យកសិកម្មនៅកម្ពុជា ដូចជាកម្មវិធីអប់រំ ភាពជាសហគ្រិន ការកាន់កាប់ដីធ្លី និងការ ទប់ទល់នឹងការប្រែប្រួលអាកាសធាតុ។ គោលបំណងទី៤៖ ដើម្បីបង្ហាញផលិតផល កសិកម្មក្នុងស្រុក និងការថ្លែងអំណរគុណ ដល់កសិករ បង្កើតបណ្តាញ និងបង្ហាញពី កង្វល់ និងស្នើយុទ្ធសាស្ត្រដោះស្រាយបញ្ជ ប្រឈមកសិកម្មដែលកសិករ និងអ្នកពាក់ ព័ន្ធច្រើនក្នុងខ្សែច្រវាក់តម្លៃកសិកម្ម។

វេទិកាកសិករថ្នាក់ជាតិត្រូវបានប្រារព្ធឡើងជារៀងរាល់ឆ្នាំបានចាប់ផ្តើមតាំងពីឆ្នាំ២០១១ ហើយក៏ជា វេទិកាតែមួយគត់ ដែល​​មានការចូលរួមពីគ្រប់ដៃគូពាក់ព័ន្ធ រួមទាំងមានដំណើរការរៀបចំរួមគ្នា ដើម្បីអបអរសាទរ ព្រឹត្តិការណ៍ដ៏គួរឱ្យកត់សម្គាល់​​នេះនិង ភាគីផ្សេងៗបានចូលរួមក្នុងដំណើរការរៀបចំ គាំទ្រព្រឹត្តិការណ៍នេះ រួមមាន អង្គការសង្គមស៊ីវិល តំណាងរាជ​​រដ្ឋាភិបាលមកពីក្រសួងស្ថាប័នផ្សេងៗ រួមមានក្រសួងកសិកម្ម រុក្ខាប្រមាញ់ និង នេសាទ ក៏ដូចជារដ្ឋបាលខេត្តសៀមរាប វិស័យឯកជន និងដៃគូអភិវឌ្ឍន៍ ជាដើម ដែលកំពុងធ្វើការពាក់ព័ន្ធនឹង គោលនយោបាយ កម្មវិធី និងការអនុវត្តសកម្មភាពនានា បម្រើផលប្រយោជន៍ដល់ការងារកសិកម្ម និងផលិតផល កសិករ ព្រមទាំងតំណាងស្ថាប័នលើកិច្ចការពាក់ព័ន្ធវិស័យនេះ៕

​