សារព័ត៌មានបៃតងប៉ុស្តិ៍

នាវាកងទ័ពជើងទឹកថៃបំពានដែនទឹក និងចាប់អ្នកនេសាទកម្ពុជា៣នាក់ក្នុងដែនសមុទ្រកម្ពុជា

18 ម៉ោងមុន

 

ដោយ៖ វិចិត្រ

 

នាវាកងទ័ពជើងទឹកថៃបានបំពានយ៉ាងគឃ្លើនលើអធិបតេយ្យកម្ពុជា ដោយបានធ្វើដំណើរ ចូលក្នុងដែនសមុទ្រកម្ពុជាទាំងគ្មានការអនុញ្ញាត និងបានចាប់អ្នកនេសាទ​កម្ពុជា៣នាក់ ព្រម​ទាំងបានរឹបអូសនាវានេសាទរបស់ពលរដ្ឋខ្មែរទាំងនោះ ក្នុងដែនសមុទ្រកម្ពុជាផងដែរ។ នេះ​បើតាមលិខិតប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិកម្ពុជា ចុះថ្ងៃទី២២ ខែកុម្ភៈ ឆ្នាំ២០២៦។

 

តាមរយៈលិខិតប្រកាសព័ត៌មានខាងលើ ក្រសួងការបរទេស និងសហប្រតិបត្តិ​ការអន្តរ​ជាតិ​ បានឱ្យដឹងថា “កម្ពុជាបានធ្វើការតវ៉ាជាផ្លូវ​ការ​ចំពោះវត្ត​មាន​ដោយ​គ្មានការអនុញ្ញាត​របស់​នាវា​កងទ័ពជើងទឹកថៃ និងការអនុវត្តនីតិថៃ ដោយ​ល្មើសច្បាប់នៅក្នុងដែនសមុទ្រកម្ពុជា នាថ្ងៃទី ២២ ខែកុម្ភៈ ឆ្នាំ២០២៦។ សកម្មភាពរបស់ទ័ពជើងទឹកថៃរួមមានទាំងការចាប់ខ្លួនពលរដ្ឋកម្ពុ ជាបីនាក់ ព្រមទាំងការរឹបអូសនាវានេសាទរបស់ពលរដ្ឋខ្មែរទាំងនេះ ត្រង់ទីតាំងស្ថិតនៅ ចម្ងាយប្រហែល ៧.២ ម៉ៃល៍សមុទ្រ ពី កោះយ៉រ ខេត្តកោះកុងនៃប្រទេសកម្ពុជា។”

 

ក្នុងលិខិតប្រកាសព័ត៌មានដដែលនេះ កម្ពុជាបានចាត់ទុក សកម្មភាពទាំងនេះគឺជាការរំលោភ យ៉ាងច្បាស់លាស់លើអធិបតេយ្យ និងដែនទឹករបស់កម្ពុជា ព្រមទាំងច្បាប់អន្តរជាតិ។

 

ជាមួយគ្នានេះកម្ពុជាបានទាមទារឱ្យប្រទេសថៃ ដោះលែងពលរដ្ឋកម្ពុជា និងនាវានេសាទរបស់ ពួកគេជាបន្ទាន់ បញ្ឈប់នូវសកម្មភាពល្បាតដោយគ្មានការអនុញ្ញាត ក៏ដូចជាសកម្មភាពអនុវត្ត ច្បាប់នៅក្នុងដែនសមុទ្រកម្ពុជា និងចាត់វិធានការសមស្របដើម្បីទប់ស្កាត់មិនឱ្យសកម្មភាព បែបនេះកើតជាថ្មីនាពេលអនាគត៕

ព័ត៌មានទាក់ទង

នាវាកងទ័ពជើងទឹកថៃបំពានដែនទឹក និងចាប់អ្នកនេសាទកម្ពុជា៣នាក់ក្នុងដែនសមុទ្រកម្ពុជា កម្ពុជានឹងធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជាតវ៉ាជំទាស់នឹងសកម្មភាពដាក់កុងតឺន័ររបស់កងកម្លាំងយោធាថៃនៅតំបន់អានសេះ អង្គការសង្គមស៊ីវិលមួយចំនួនគ្រោងដាក់ពាក្យបណ្ដឹងតាមយន្តការអន្តរជាតិករណីការរំលោភបំពានរបស់ថៃមកលើដែនអធិបតេយ្យរបស់កម្ពុជា កម្ពុជាថា សកម្មភាពអរិភាពរបស់ថៃធ្វើឱ្យប៉ះពាល់ដល់កិច្ចខិតខំប្រឹងប្រែងស្វែងរកសន្តិ ភាពនៃ​ប្រ​ទេស​ទាំងពីរ គម្រោងស្ដីពី ការពង្រឹងការបន្សំារបបធានារ៉ាប់រងសង្គម (SASI)បានបិទបញ្ចប់ដោយជោគជ័យ ក្រសួងការងារ និងអង្គការ UNESCO ប្ដេជ្ញាពង្រឹងភាពជាដៃគូ ដើម្បីកសាងកម្លាំងពលកម្មឱ្យមានជំនាញ និងផលិតភាពខ្ពស់សម្រាប់សេដ្ឋកិច្ចនាពេលអនាគត រាជរដ្ឋាភិបាលមានផែនការរៀបចំលំនៅដ្ឋានបណ្តោះអាសន្នជូនជនភៀសសឹក កម្ពុជាបញ្ជាក់ការចូលរួមក្នុងក្រុមប្រឹក្សាសន្តិភាព
ព័ត៌មានថ្មីៗ
អត្ថបទពេញនិយម