អត្ថបទ៖ សំនៀង

រដ្ឋបាលខេត្តព្រៃវែង បានជូនដំណឹងដល់សាធារណៈជន ព្រមទាំងគ្រប់មន្ទីរ គ្រប់អង្គភាព និងស្ថាប័ន ឬ ភ្នាក់ងារហឹរញ្ញវត្ថុ ដែលមានការពាក់ព័ន្ធនឹងក្បាលដីទាំងអស់ ស្ថិតនៅភូមិព្រហ៊ូត ឃុំព្រៃស្រឡិត ស្រុកពារំាង ខេត្តព្រៃវែង ឱ្យបានជ្រាបថា គណៈកម្មការរដ្ឋបាលនឹងធ្វើការបិទផ្សាយជាសាធារណៈនូវឯកសារនៃការវិនិច្ឆ័យ ដែលរួមមាន ប្លង់សុរិយោដី និងបញ្ជីឈោ្មះអ្នកកាន់កាប់ដឹ ដែលក្រុមប្រតិបត្តិកម្មវិធីបានធ្វើការវាស់វែង និងប្រមូលទិន្នន័យកន្លងមក។ ការបិទផ្សាយនេះមានរយៈពេល១៥ថ្ងៃ ដោយរាប់បញ្ចូលទាំងថ្ងៃឈប់សម្រាក គិតចាប់ពីថ្ងៃទី១២ ខែវិច្ឆិកា ឆ្នាំ ២០២៥ ដល់ថ្ងៃទី២៦ខែ វិច្ឆិកា ឆ្នាំ ២០២៥ ជាកំហិត ទីតាំងនៅស្នាក់ការភូមិ។ នេះយោងតាមសេចក្ដីជូនដំណឹងរបស់រដ្ឋបាលខេត្តព្រៃវែង ចុះថ្ងៃទី១១ ខែវិច្ឆិកា ឆ្នាំ២០២៥។

ក្នុងនោះរដ្ឋបាលខេត្ត បានឱ្យសាធារណជន និងអង្គភាព ដែលមានការពាក់ព័ន្ធនឹងដីធ្លី ក្នុងតំបន់វិនិច្ឆ័យខាងលើ ចូលរួមពិនិត្យលើទិន្នន័យដែលមាននៅក្នុងឯកសារនៃការវិនិច្ឆ័យ ដើម្បីបញ្ជាក់ពីភាពត្រឹមត្រូវ ឬខុសឆ្គង ដែលត្រូវកែតម្រូវ ឬជំទាស់លើទិន្នន័យទាំងនោះ ក្នុងរយៈពេល ១៥ថ្ងៃ។ ផុតរយៈពេលកំណត់ខាងលើគណៈកម្មការដ្ឋបាលសន្មត់ថា ទិន្នន័យដែលបានបើកចំហរឱ្យពិនិត្យជាសាធារណៈនេះមានភាពត្រឹមត្រូវហើយមិនអាចជំទាស់ ឬ តវានៅពេលក្រោយទៀតបានឡើយ៕