ដោយ៖ យូ វាសនា

រដ្ឋបាលខេត្តកណ្តាល ជូនដំណឹងពីការបិទផ្សាយជាសាធារណៈនូវឯកសារនៃការវិនិច្ឆ័យ ក្បាលដីនៅចំនួន០៦ភូមិ គឺភូមិជ្រោយស្មោ ភូមិព្រែកជ្រៃ ភូមិខ្ទារតាំងយូ ភូមិព្រែកជ្រៃក្រៅ ភូមិខ្ទាតាំងយូរត្បូង និងភូមិព្រែកទន្លា សង្កាត់ ព្រែកជ្រៃ ក្រុងសំពៅពូន។

ក្នុងន័យនេះរដ្ឋបាលខេត្តស្នើសាធារណជន និងអង្គភាពនានាដែលមានការពាក់ព័ន្ធ នឹងដីធ្លីក្នុងតំបន់វិនិច្ឆ័យ ខាងលើសូមចូលរួមពិនិត្យទិន្នន័យដែលមាននៅក្នុងឯកសារនៃការវិនិច្ឆ័យ ដើម្បីបញ្ជាក់ពីភាពត្រឹមត្រូវ ឬ ខុសឆ្គងដែលត្រូវកែតម្រូវ ឬ ជំទាស់លើទិន្នន័យទាំងនោះក្នុងរយៈពេល១៥ថ្ងៃ (ដោយរាប់បញ្ចូលទាំង ថ្ងៃឈប់សម្រាក) គិតចាប់ពីថ្ងៃទី០៨ ខែតុលា ឆ្នាំ២០២៥ ដល់ថ្ងៃទី២៣ ខែតុលា ឆ្នាំ២០២៥ ជាកំហិត ដែលមានទីតាំងនៅ សាលាសង្កាត់ព្រែកជ្រៃ ស្ថិតនៅភូមិខ្នារតាំងយូ សង្កាត់ព្រែកជ្រៃ ក្រុងសំពៅពូន។

បើតាមសេចក្តីជូនដំណឹងដដែលនេះផុត កំណត់រយៈពេលខាងលើ គណៈកម្មការរដ្ឋបាល សន្មត់ថាទិន្នន័យដែលបានបើកចំហរជូនពិនិត្យជាសាធារណៈនេះមានភាពត្រឹមត្រូវហើយមិនអាចជំទាស់ ឬតវ៉ានៅពេលក្រោយទៀតបានឡើយ។

សូមបញ្ជាក់ថាៈ គណៈកម្មការរដ្ឋបាលនឹងធ្វើការបូកសរុបរបាយការណ៍នៃការបិទផ្សាយ ហើយលើក សំណើផ្តល់សិទ្ធិលើអចលនវត្ថុទៅ រដ្ឋបាលខេត្តកណ្តាល ដើម្បីពិនិត្យសម្រេចរួចបញ្ជូនអោយរដ្ឋបាលសុរិយោដី ចេញវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ជូនអ្នកកាន់កាប់ណាដែលបានបំពេញគ្រប់លក្ខណៈតាមច្បាប់។