ឯកឧត្តម កើត រិទ្ធិ ឧបនាយករដ្ឋមន្ត្រី រដ្ឋមន្ត្រីក្រយុត្តិធម៌ និងជាប្រធានក្រុមប្រឹក្សាភិបាលបណ្ឌិត្យសភាភូមិន្ទយុត្តិធម៌កម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីចុះហត្ថលេខាលើកិច្ចព្រមព្រៀងចំនួនពីរ សម្រាប់កិច្ចសហប្រតិបត្តិការលើការបណ្តុះបណ្តាលធនធានមនុស្សក្នុងវិស័យច្បាប់ និងយុត្តិធម៌ រវាងបណ្ឌិត្យសភាភូមិន្ទយុត្តិធម៌កម្ពុជា និងគ្រឹះស្ថានបណ្តុះបណ្តាលចំនួនពីររបស់បារាំង​គឺ សាកលវិទ្យាល័យ លីយ៉ុង ៣ និងវិទ្យាស្ថានបណ្តុះបណ្តាលសាការី បារំាង។

ក្នុងឱកាសនោះ ឯកឧត្តម ផូវ សំភី នាយកសាលាច្បាប់ នៃបណ្ឌិត្យសភាភូមិន្ទយុត្តិធម៌កម្ពុជា បានគូសបញ្ជាក់ថា  និស្សិតដែលចូលរៀនជំនាញជាន់ខ្ពស់ខាងតុលាការនេះ នឹងទទួលបានសញ្ញាបត្រចំនួន ០២ ដោយសញ្ញាបត្រទី០១ បរិញ្ញាប័ត្រជាន់ខ្ពស់ផ្នែកតុលាការ ទទួលស្គាល់ដោយក្រសួងអប់រំ យុវជន និងកីឡា របស់ប្រទេសកម្ពុជា និងទី០២សញ្ញាបត្រកម្រិតសាកលវិទ្យាល័យនៅប្រទេសបារំាង គឺ សាកលវិទ្យាល័យ លី យ៉ុង ៣។ ឯកឧត្តម បានបន្តទៀតថា មុខវិជ្ជាដែលរៀនគឺផ្តោតទៅលើទិដ្ឋភាពសំខាន់នៃការអនុវត្តជាក់ស្តែង ហើយផ្តោតទៅលើអ្នកដែលមានគោលដៅចង់ប្រកបរបបវិជ្ជាជីវៈច្បាប់ និងតុលាការ ជាពិសេសដែលអ្នកចង់ធ្វើចៅក្រម ព្រះរាជអាជ្ញា សាការី អាជ្ញាសាលា និងក្រឡាបញ្ជី ឬក៏ចង់ធ្វើជាអ្នកច្បាប់ជំនាញក្នុងវិស័យយុត្តិធម៌ ដោយការបន្ថយមុខវិជ្ជាទូទៅ បង្កើនមុខវិជ្ជាជំនាញលក្ខណៈស៊ីជម្រៅ ហើយនឹងវិធីសាស្ត្រគតិយុត្ត ហើយនឹងគរុកោសល្យដែលត្រូវប្រើប្រាស់សម្រាប់ការបង្រៀនឱ្យមានប្រសិទ្ធិភាព។ មែនទែនទៅ អ្នកដែលទទួលបានសញ្ជាប័ត្រខ្ពស់ពីបណ្ឌិត្យសភាភូមិន្ទយុត្តិធម៌ នឹងផ្តល់ឱកាសខ្ពស់អាចប្រឡងបានជោគជ័យលើវិជ្ជាជីវៈទាំងបួន (វិជ្ជាជីវៈ ចៅក្រម/ព្រះរាជអាជ្ញា សាការី អាជ្ញាសាលា និងក្រឡាបញ្ជី) នៅបណ្ឌិត្យសភាភូមិន្ទយុត្តិធម៌កម្ពុជា។

សូមទស្សនាវីដេអូបទយកការណ៍ ធ្វើឡើងដោយ បណ្ឌិត្យសភាភូមិន្ទយុត្តិធម៌កម្ពុជា ដែលមានខ្លឹមសារទាំងស្រុងនៅក្នុងលីងទំព័រហ្វេសប៊ុកដូចខាងក្រោម៖

​https://www.facebook.com/share/v/qLbNH5L9dh6y2zS6/?mibextid=WC7FNe