ភ្នំពេញ​ ​នៅវេលាម៉ោង​៤ល្ងាច​ថ្ងៃទី១៧​ ខែកញ្ញា​ ឆ្នាំ២០២៣​ ​គណៈកម្មការ​បេតិកភណ្ឌ​ពិភពលោក​សម្រេច​ធ្វើការ​ចុះបញ្ជី​ដាក់បញ្ចូល​ប្រសាទ​កោះកេរ​ដាក់​ក្នុងបញ្ជី​សម្បត្តិ​បេតិកភណ្ឌ​ពិភលោក​នៃអង្គការ​យូណេស្កនៅ ក្នុងកិច្ចប្រជុំលើកទី៤៥​ របស់​គណៈកម្មាធិកា​របេតិកភណ្ឌ​ពិភពលោក​ នៅទីក្រុងរីយ៉ាដ​ ​ប្រទេសអារ៉ាប៊ីសាអូឌីត ដែល​នេះគឺជា​ការចុះបញ្ជី​ជាផ្លូវការ​មួយដែល​មានសមាជិក​មកពីបណ្ដា​ប្រទេស​ផ្សេងៗ​បានធ្វើការ​បោះឆ្នោត​គាំទ្រ។​

ថ្លែងប្រាប់​អង្គភាព​សារព័ត៌មាន​បៃតង​ប៉ុសិ៍​ពីនៅ​ទីក្រុងរីយ៉ាដ​​ប្រទេស​អារ៉ាប៊ីសាអូឌីត​ឯកឧត្តម​គីម​រិទ្ធិ​អភិបាល​គណអភិបាល​ខេត្ត​ព្រះវិហ៊ារ​ដែល​កំពុង​ចូលរួម​ក្នុងកិច្ច​ប្រជុំ​កិច្ចប្រជុំលើកទី៤៥​ របស់​គណៈកម្មាធិកា​របេតិកភណ្ឌ​ពិភពលោក​បានមាន​ប្រសាសន៍​ឲ្យដឹងថា​​ «នេះជាពិតជាមោទកភាព​ដ៍ឧត្តុង​ឧតមត្តម​បំផុត​របស់​ប្រទេសកម្ពុជា​យើង​ដែល​ត្រូវបាន​អន្តរជាតិ​ផ្ដល់តម្លៃ​ប្រាសាទ​កោះកេរ​នៃអរិយធម៌​វប្បធម៌​របស់​យើង​កំពុង​រីកមុខ​រីកមាត់​លើឆាកអន្តរជាតិ​​មិនតែប៉ុណ្ណោះ​ការចុះបញ្ជី​ប្រាសាទ​កោះកេរ​ជាសម្បត្តិ​បេតិកភណ្ឌ​ពិភលោក​លើកស្ទួយ​បន្ថែមទៀត​លើការអភិរក្ស​ និងថែទាំ​អរិយធម៌​របស់​ដូនតាខ្មែរ​ខណ:វប្បធម៌ ​និង​អរិយធម៌​ដែលលិច​អណ្ដែត​ដល់​ឆាកអន្តរជាតិ​នេះក៍​ដោយសារ​ប្រទេស​កម្ពុជា​មាន​សុខសន្តិភាព​ ហើយ​ប្រសិនបើ​ប្រទេស​កម្ពុជា​មាន​សង្រ្គាម​នោះយើង​ក៍មិនអាច​ឲ្យសារធារណ:ជាតិ​ និងអន្តរជាតិ​ស្គាល់​វប្បធម៌​មួយ​នេះឡើយ​ដូចច្នេះ​ក្នុងនាម​ប្រជាពលរដ្ឋ​ខេត្តព្រះវិហ៊ារ​​ យើងពិត​ជាដឹង​គុណ​ដល់​អតីត​នាយករដ្ឋ​មន្រ្តី​នៃព្រះរាណា​ចក្រ​កម្ពុជា​នោះគឺ​សម្ដេចអគ្គ​មហាសេនា​បតីតេជោ​ ​ហ៊ុន​​ សែន​ ដែល​ជា​ស្ថាបនិក​នយោបាយ​ឈ្នះឈ្នះ​ជម្រុញ​ឲ្យមាន​ការរស់ឡើង​វិញ​នៃអរិយធម៌ខ្មែរ​ក្នុង​សម័យ​បច្ចេកវិទ្យា​ទំនើប»។​

ឯកឧត្តម​​ គីម​​ ​រិទ្ធិ​ បន្តទៀតថា​ ​ ការដាក់​បញ្ជូល​ក្នុងបញ្ជី​សម្បត្តិ​បេតិកភណ្ឌ​ពិភលោក​នេះធ្វើការទាក់ទាញភ្ញៀវទេសចរណ៍​ជាតិ​ ​និង​អន្តរជាតិ​បន្ថែម​ទៀត​ដើម្បី​ស្វែងយល់​អំពី​វប្បធម៌​របស់​ប្រទេស​កម្ពុជា​យើង​ដ៍ត្រចេះ​ត្រចង់​នៃប្រាសាទ​កោះកេរ​ដ៍វៃចំណាស់​មួយនេះ​ដែល​ត្រូវបាន​កសាង​ឡើង​អតីត​ព្រះមហាក្សត្រ​កម្ពុជា​ ហើយ​មិនតែ​ប៉ុណ្ណោះ​ប្រជាពលរដ្ឋ​រស់នៅ​តាម​សហគមន៍​នៅជុំវិញ​ប្រាសាទ​កោះកេរ​ទទួលបាន​កត្តិយសដ៍​ឧត្តុង​ឧត្តម​ជាមួយ​ផល​ប្រយោជន៍​សេដ្ឋកិច្ច​ដែល​ជាមុខរបរ​នៃការរក​ប្រាក់​ចំណូល​ដោយផ្ទាល់​និង​ដោយប្រយោល​ក្នុងការ​លើកម្ពស់​សេដ្ឋកិច្ច​គ្រួសារ​ជីវភាព​រស់​នៅសមរម្យ​ដែល​ភ្ញៀវទេចរណ៍​ជាតិ​និង​អន្តរជាតិ​បាន​ទៅ​ទស្សនា​នៅ​តំបន់​រមណីយដ្ឋាន​ប្រាសាទ​កោះកេ​រ​​ហើយ​ឯកឧត្តម​អភិបាល​ខេត្ត​ក៍អំពាវនាវ​ដល់​ប្រជាពលរដ្ឋ​រសនៅ​មូលដ្ឋាន​ផ្ទាល់​​ក៍ដូចប្រជាពលរដ្ឋ​កម្ពុជា​ជួយ​បន្ត​ថែរក្សា​ការពារ​ប្រាសាទ​​ និងអភិរក្ស​ឲ្យសាក​សមកត្តិយ​សអន្តរ​ជាតិ​វប្បធម៌​មនុស្សជាតិ​។ បន្ទាប់​ពី​គណៈកម្មការ​បេតិកភណ្ឌ​ពិភពលោក​សម្រេច​ធ្វើការ​ចុះបញ្ជី​ដាក់បញ្ចូល​ប្រសាទ​កោះកេរ​ដាក់​ក្នុងបញ្ជី​សម្បត្តិ​បេតិកភណ្ឌ​ពិភលោក​នៃអង្គការ​យូណេស្កូ​ទាំងដីធ្លី​នៅ​តំបន់​នេះ​មិនអាច​ធ្វើការ​ទិញលក់​ឬ​ចុះបញ្ជី​ជូន​ដល់​ប្រជា ពលរដ្ឋ​ឲ្យ​ក្លាយជា​កម្មសិទ្ធិ​ឯកជន​របស់​ប្រជាពលរដ្ឋ​ ឬ​ជនណាម្នាក់​ឡើយ​នេះ​ជាការ​បញ្ជាក់​បន្ថែម​របស់​ឯកឧត្តម​ ​គីម​ ​រិទ្ធិ​ ​អភិបាល​នៃ​គណ​អភិបាល​ខេត្ត​ព្រះវិហ៊ារ។​

ប្រាសាទ​កោះកេរ​មានទីតាំង​ស្ថិតនៅ​ក្នុងភូមិ​ស្រយ៉ង់ជើង​ ​ឃុំស្រយ៉ង់​ ​ស្រុក​គូលេន​ ខេត្ត​ព្រះវិហារ​ ​មានចម្ងាយ​ប្រមាណ​៤៩​ ​គីឡូម៉ែត្រ​ ​ពីទីរួម​ខេត្តព្រះវិហារ​។​ កាលពី​ឆ្នាំ២០១៨​ ​កម្ពុជា​បាន​ចុះសិក្សា​ស្រាវជ្រាវ​នៅ​តំបន់​ប្រាសាទ​កោះកេរ​ ​ខេត្តព្រះវិហារ​ ​និង​ប្រាសាទ​បន្ទាយឆ្មារ​ ​ខេត្ត​បន្ទាយ​មានជ័យ​ ​ដើម្បី​ស្នើដាក់​ប្រាសាទ​ទាំង​ពីរនេះ​ ​ទៅ​ក្នុង​បញ្ជី​សម្បត្តិ​បេតិកភណ្ឌ​ពិភពលោក​ ​បន្ទាប់​ពី ​ប្រាសាទ​អង្គរវត្ត​បានចុះបញ្ជី​ជាសម្បត្តិ​បេតិកភណ្ឌ​ពិភពលោក​នៅឆ្នាំ​១៩៩២​ ​ប្រាសាទ​ព្រះវិហារ​នៅ​ឆ្នាំ២០០៨​ ​និង​តំបន់​ប្រាសាទសំបូ​រព្រៃគុក​នៅឆ្នាំ​២០១៧។​ ទីតាំង​ប្រជុំ​ប្រាសាទ​កោះ​កេរ​នេះ គឺជា​អតីត​រាជធានី “​ឆោ​កគ​គ៌្យ​រ​” របស់​ព្រះបាទ​ជ័យ​វរ្ម័នទី​៤ ដែល​ត្រូវបាន​កសាងឡើង​ក្នុង​សតវត្ស​ទី​១០ (៩២៨-៩៤២)​។ ព្រះអង្គ​បាន​ផ្លាស់ប្តូរ​រាជធានី​ពី​ក្រុង​យ​សោធរ​បុ​រៈ (​ក្រុង​អង្គរ​) ទៅកាន់​តំបន់​កោះ​កេរ​នេះ​ក្រោយពេល​ដណ្ដើម​រាជបល្ល័ង្ក​ពី​ក្មួយ​របស់​ព្រះអង្គ គឺ​ព្រះបាទ​យ​សោ​វរ្ម័នទី​២ ដែល​សោយរាជ្យ​នៅ​ក្រុង​អង្គរ​។ ប្រាសាទ​នេះ​កសាងឡើង​តាម​រចនាប័ទ្ម​កោះ​កេរ ដែលមាន​រាង​ស្រដៀង​នឹង​ពីរ៉ាមីត។