អត្ថបទ៖ កែវ រតនៈ

ក្នុងឱកាសអញ្ជើញជាអធិបតី ពិធីសម្ពោធអគារអន្តេវេសិកដ្ឋានតេជោសន្តិភាព និងសមិទ្ធផលនានាក្នុងវត្តស្វាយពពែ ក្នុងរាជធានីភ្នំពេញ នៅថ្ងៃសុក្រ ទី៩ ឧសភា ២០២៥នេះ សម្តេចមហាបវរធិបតី ហ៊ុន ម៉ាណែត​​ នាយ​ករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា ប្រទេសកាន់តែទំនើប កាន់តែរីកចម្រើន តួនាទីសាសនាកាន់តែសំខាន់ក្នុងការចូលរួមអប់រំផ្លូវចិត្តរបស់ប្រជាពលរដ្ឋ ពីព្រោះកាលណាប្រទេសកាន់តែរីកចម្រើន ប្រជាពលរដ្ឋមានការងារក៏កាន់តែច្រើនធ្វើឱ្យមនុស្សមានបញ្ហាស្រ្ដេសច្រើនដូចគ្នា ដូច្នេះត្រូវការការអប់រំផ្លូវចិត្តឡើងវិញ។ សម្ដេចធិបតីបន្តថា «កាន់តែទំនើបកាន់តែ​ វិទ្យាសាស្ត្រ ការជឿជាក់លើសាសនា ដែលការអប់រំផ្លូវចិត្តកាន់តែខ្លាំង ជាក់ស្ដែង​នៅប្រទេសអភិវឌ្ឍន៍ដូចនៅអាម៉េរិកដូចអីនេះហើយ គឺនៅតែខ្លាំងការអប់រំ។ នៅជប៉ុនសាសនា ព្រះពុទ្ធជិនតូ នៅប្រទេសចិន នៅប្រទេសអី ប្រទេសកាន់តែរីកដើរតួនាទីខាងផ្លូវចិត្ត»។

សម្ដេចធិបតីក៏បានលើកឡើងថា គ្មានសាសនាណាមួយ ប្រៀនប្រដៅមនុស្សឱ្យកាចសាហាវ ឬ​កាប់​សម្លាប់​គ្នា​ទេ ទាំងពុទ្ធសាសនា អ៊ិស្លាមសាសនា និងគ្រិស្តសាសនា ប៉ុន្ដែ​គោល​ដៅ​ធំ​បំផុត​គឺ​ដើម្បី​ឱ្យ​មនុស្ស​ធ្វើ​ល្អ ចេះចែករំលែក ចែកផលជាមួយគ្នា៕

រូបភាព៖ បណ្ដាញសង្គម