ដោយ៖ វិចិត្រ

រដ្ឋមន្ត្រីក្រសួងរ៉ែ និងថាមពល បានឱ្យដឹងថា នាវាដឹកឥន្ទនៈចំនួន២ទើបធ្វើដំណើរមកដល់ និងសំចតនៅកំពង់ផែតែមួយក្នុងខេត្តព្រះសីហនុនៅថ្ងៃ​ទី៣០ ខែមីនា ឆ្នាំ២០២៦។

បើតាមឯកឧត្តម កែវ រតនៈ រដ្ឋមន្ត្រីក្រសួងរ៉ែ និងថាមពលបានបញ្ជាក់នៅថ្ងៃចន្ទនេះថា មាន នាវាដឹកឥន្ទនៈចំនួន២ទើបបានធ្វើដំណើរមកដល់ និងសំចតនៅក្នុងកំពង់ផែរបស់ ក្រុមហ៊ុន តេលាខ្មែរ ស្ថិតនៅក្នុងខេត្តព្រះសីហនុ ដែលនាវាមួយជានាវារបស់ ក្រុមហ៊ុនតេលាផ្ទាល់ដែល មានស្តុកឧស្ម័នLPGចំនួន៣៤០០តើន និងនាវាមួយទៀតជានាវារបស់ក្រុមហ៊ុនកាល់តិចដែល បានចូលចតនៅក្នុងកំពង់ផែតេលាខ្មែរដែរនោះមានស្តុកប្រេងម៉ាស៊ូតចំនួន១ម៉ឺនតោនស្មើនឹង១២ម៉ឺនលីត្រ និងប្រេងសាំងចំនួន១ម៉ឺនតោនស្មើនឹង១៤ម៉ឺនលីត្រ។  

ក្នុងនោះលោកបញ្ជាក់ថា ការមកដល់នៃវានាដឹកឥន្ទនៈរបស់ក្រុមហ៊ុនទាំង២នេះគឺជាការជួយ សម្រួលដល់សេដ្ឋកិច្ចកម្ពុជា តាមរយៈនៃកិច្ចខិតខំប្រឹងប្រែងរបស់រដ្ឋាភិបាលនៅ​ក្នុងការកាត់​បន្ថយ​ និងទន្លាក់ពន្ធ និងអាករផ្សេងៗ និងកិច្ចខិត​ខំ​ប្រឹងប្រែងរបស់ក្រុមហ៊ុនផងដែរក្នុង​ស្វះ​ស្វែង​រកទិញឥន្ទនៈពីទីផ្សារអន្តរជាតិមកផ្គត់ផ្គង់នៅកម្ពុជា។

ប៉ុន្តែយ៉ាងណាក៏ដោយ រដ្ឋមន្ត្រីក្រសួងរ៉ែ និងថាមពលរូបនេះ នៅតែបន្តស្នើឱ្យពលរដ្ឋទាំងអស់ ត្រូវចូលរួមប្រើប្រាស់ឥន្ទនៈដោយភាពឆ្លាតវៃ  និងការសន្សំសំចៃខ្ពស់ នៅក្នុងស្ថានភាពដ៏លំបាកនេះ៕