ធារ៉ា ស្រីនុត៖ សម្តេចបវរធិបតី ហ៊ុន ម៉ាណែត អញ្ជើញប្រកាសដាក់ឱ្យអនុវត្ត «កម្មវិធីពិសេសជំរុញការវិនិយោគ ក្នុងខេត្តព្រះសីហនុឆ្នាំ២០២៤» នាព្រឹកថ្ងៃទី៣១ ខែមករា ឆ្នាំ២០២៤ ក្នុងកម្មវិធីត្រូវបានរៀបចំឡើងដោយឈរលើកទស្សនៈវិទានគោលចំនួនបួន ទី១៖ ការកែប្រែមុខមាត់ខេត្តព្រះសីហនុឲ្យទៅជាខេត្តដែលមានមូលដ្ឋានសេដ្ឋកិច្ចពឹងផ្អែកឧស្សាហកម្ម ទេសចរណ៍ និងការវិនិយោគ ទី២៖ ដោះស្រាយបញ្ហាប្រឈមជាក់ស្ដែងដែលផ្ដល់លទ្ធផលរហ័ស ទី៣៖ ដាក់ចេញនៅវិធានការជាក់ស្ដែងដែលមានលក្ខណៈបំពេញបន្ថែមប្រកបដោយគុណភាពទៅនិងគោលនយោបាយនិងយុទ្ធសាស្ត្រនានារបស់រាជរដ្ឋាភិបាល និងទី៤៖ បង្កើតល្បឿននៃការធ្វើបដិវត្តកម្ម និងការអភិវឌ្ឍន៍ឧស្សាហកម្មក្នុងខេត្តព្រះសីហនុធ្វើឲ្យមានតម្លៃបន្ថែមខ្ពស់និងមានឧមត្តភាពប្រគួតប្រជែង។ កម្មវិធីពិសេសនេះមានគោលបំណងក្នុងការវិនិយោគធុរកិច្ចក្នុងខេត្តព្រះសីហនុសម្រាប់ឆ្នាំ២០២៤ ឲ្យកាន់ច្រើនឲ្យមានសន្ទុះលឿនដោយផ្ដោតលើគម្រោងវិនិយោគ ឬសកម្មភាពវិនិយោគធុរកិច្ចចំនួន៣ប្រភេទ រួមមានទី១៖ គម្រោងវិនិយោគ ឬសកម្មភាពធុរកិច្ចពាក់ពន្ធ័ និងធនាគារកំពុងជាប់គាំង និងចាប់ផ្ដើមដំណើរការអនុវត្តក្នុងឆ្នាំ២០២៤ ទី២៖ គម្រោងវិនិយោគ ឬសកម្មភាពធុរកិច្ចដែលមិនពាក់ពន្ធ័ និងធនាគារជាប់គាំង ប៉ុន្ដែនឹងដំណើរការភ្លាមនៅក្នុងឆ្នាំ២០២៤ នេះផងដែរ និងទី៣៖ការពង្រីកគម្រោងវិនិយោគ ឬសកម្មភាពធុរកិច្ចមានស្រាប់ស្រមតាមការវិនិច្ឆ័យជាក់លាក់ ដែលត្រូវចាប់ផ្ដើមដំណើរការនៅក្នុងឆ្នាំ២០២៤ ដើម្បីគោលដៅនេះ។ កម្មវិធីពិសេសវិនិយោគក្នុងខេត្តព្រះសីហនុឆ្នាំ២០២៤បានកំណត់ដាក់ចេញនូវវិធានការគន្លឹះមួយចំនួនដែលមានសារៈសំខាន់ សម្រាប់ការជំរុញលើកទឹកចិត្ត សកម្មភាពនៃការវិនិយោគ និងធុរកិច្ចនៅក្នុងខេត្តព្រះសីហនុ។