អត្ថបទ៖សំនៀង

តាមរយៈសេចក្ដីជូនដំណឹងរបស់រដ្ឋបាលខេត្តកំពង់ស្ពឺ ចុះថ្ងៃទី១២ ខែកញ្ញា ឆ្នាំ២០២៥ បានឱ្យដឹងថា ក្រោមដំណើរការនៃការ ចុះបញ្ជីដីធ្លីមានលក្ខណៈជាប្រព័ន្ធ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ស្ពឺ នឹងចែកវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ) ជូនដល់ម្ចាស់ក្បាលដីដែលស្ថិតនៅក្នុងភូមិតាំងហោង ឃុំអមលាំង ស្រុកថ្ពង ខេត្តកំពង់ស្ពឺ ដែលមានទីតាំងស្ថិតនៅស្នាក់ការភូមិ ចាប់ពីថ្ងៃទី១៧ ខែកញ្ញា ឆ្នាំ២០២៥ វេលាម៉ោង ៨៖០០ នាទី ព្រឹក ខាងមុខនេះ។ ចំពោះប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី (ប័ណ្ណស្លាបមាន់) ឬប័ណ្ណសម្គាល់សិទ្ធិកាន់កាប់អចលនវត្ថុ ដែលចេញដោយរដ្ឋបាលសុរិយោដីកន្លងមក ក្នុងតំបន់វិនិច្ឆ័យនេះ នឹងត្រូវអស់សុពលភាពតាមផ្លូវច្បាប់ ចាប់ពីថ្ងៃចែកវិញ្ញាបនបត្រសម្គាល់ម្ចាស់អចលន់វត្ថុខាងលើនេះតទៅ។

រដ្ឋបាលខេត្តកំពង់ស្ពឺ សូមឱ្យម្ចាស់ក្បាលដីស្ថិតក្នុងទីតាំងខាងលើ ដែលមានប័ណ្ណសម្គាល់សិទ្ធិកាន់កាប់ដីធ្លីកន្លងមក យកប័ណ្ណទាំងនោះមកប្រគល់ឱ្យមន្ត្រីរដ្ឋបាលសុរិយោដី ដើម្បីទទួលយកវិញ្ញាបនបត្រសម្គាល់ម្ចាស់អចលនវត្ថុថ្មីជំនួសវិញនៅទីតាំងខាងលើចាប់ពីថ្ងៃទី១៧ ខែកញ្ញា ឆ្នាំ២០២៥ជាកំហិត។

ដោយឡែក ម្ចាស់បំណុលដែលបានទទួលការបញ្ចាំ ឬដាក់ធានាបំណុល និងអង្គភាពហិរញ្ញវត្ថុ អង្គភាពនានា ដែលពាក់ព័ន្ធនឹងក្បាលដីក្នុងតំបន់វិនិច្ឆ័យខាងលើ សូមយកប័ណ្ណសម្គាល់សិទ្ធិទាំងអស់នោះ មកប្រគល់ជូនមន្ត្រីរដ្ឋបាលសុរិយោដី ដើម្បីធ្វើនិយ័តកម្មការធានាប្រាក់របស់ខ្លួន៕

រូបភាព៖ បណ្ដាញសង្គម