ដោយ៖ កែវ រតនៈ

យោងតាមការផ្សព្វផ្សាយរបស់បេឡាជាតិសន្តិសុខសង្គម ប.ស.ស.  បានឱ្យដឹងថា នៅថ្ងៃទី១៤ ខែមករា ឆ្នាំ​២០២៦នេះ ឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ បាន​​ដឹក​​​នាំមន្ត្រីជំនាញប្រជុំពិភាក្សាជាមួយ ឯកឧត្តមបណ្ឌិត វិន ភក្ដី អគ្គនាយករងនៃនិយ័តករមូលបត្រកម្ពុជា (ន.ម.ក) ព្រមទាំងមានការចូលរួមពីមន្ត្រីជំនាញ នៃស្ថាប័នទាំងពីរផងដែរ នៅទីស្តីការអាជ្ញាធរសេវាហិរញ្ញវត្ថុ​មិនមែនធនាគារ ដោយមានអ្នកចូលរួមប្រមាណជា ១៥រូប។

ប.ស.ស. បន្តថា កិច្ចប្រជុំនេះធ្វើឡើងដើម្បីពិនិត្យ និងពិភាក្សាលើសេចក្តីព្រាងអនុស្សរណៈ នៃការយោគយល់​គ្នា ស្តីពីការលើកកម្ពស់ការយល់ដឹងពាក់ព័ន្ធនឹងវិស័យមូលបត្រនៅកម្ពុជា។

ប.ស.ស. ឱ្យដឹងទៀតថា តាមរយៈកិច្ចប្រជុំនេះ ការចុះអនុស្សរណៈនៃការយោគយល់គ្នា រវាងស្ថាប័នទាំងពីរអាច​​នឹងឈានមកដល់នាពេលខាងមុខនេះ ដែលរំពឹងថានឹងក្លាយជាជំហានដ៏វិជ្ជមានមួយ ក្នុងការតភ្ជាប់ទំនាក់ទំនងកាន់តែជិតស្និទ្ធរវាង បេឡាជាតិសន្តិសុខសង្គម នៃក្រសួងការងារ និងបណ្តុះបណ្តាលវិជ្ជាជីវៈ និងនិយ័តករមូលបត្រកម្ពុជា នៃអាជ្ញាធរសេវាហិរញ្ញវត្ថុមិនមែនធនាគារ ដើម្បីរួមចំណែកដល់ការរីកចម្រើនសេដ្ឋកិច្ចជាតិប្រកបដោយចីរភាព៕

 រូបភាព៖ ប.ស.ស.