អត្ថបទ៖ ស្រីនាង

យុទ្ធនាការ១៦ថ្ងៃ ជាយុទ្ធនាការសាកល ត្រូវបានរៀបចំឡើងដោយសមាគមសម្ព័ន្ធសហគមន៍កសិករកម្ពុជា ហៅកាត់ថា CCFC ជារៀងរាល់ឆ្នាំ នៅក្នុងប្រធានបទផ្សេងៗគ្នា ដោយឡែកនៅក្នុងឆ្នាំនេះផងដែរ សមាគម CCFC បានសហការជាមួយសមាជិកសហគមន៍នៅតាមតំបន់នៃខេត្តគោលដៅ រៀបចំយុទ្ធនាការជាសកល ១៦ថ្ងៃ ក្រោមប្រធានបទ "កសិករដើម្បីគាំពារសង្គម សិទ្ធិដីធ្លី និងយុត្តិធម៌បរិស្ថាន" ចាប់ពីថ្ងៃទី០១​ ដល់ថ្ងៃទី១៦ ខែតុលា ឆ្នាំ២០២៤។

យុទ្ធនាការនេះធ្វើឡើងនៅទីតាំងផ្សេងៗគ្នា នៅក្នុងខេត្តគោលដៅចំនួន៩ និងមាន៣០សហគមន៍បានចូលរួមក្នុងការធ្វើយុទ្ធនាការជាសាកល នេះបើតាមយោងតាមការលើកឡើងរបស់លោក ថេង សាវឿង ប្រធានសមាគមសម្ព័ន្ធសហគមន៍កសិករកម្ពុជា។ យុទ្ធនាការនេះ ជាព្រឹត្តិការណ៍នៅតាមសហគមន៍គោលដៅរបស់សមាគមក៏ដូចជាការផ្សព្វផ្សាយតាមបណ្ដាញសង្គមដែលមានគោលបំណងជាក់លាក់សំខាន់ៗចំនួន៣៖

ទី១. ដើម្បីផ្តល់ឱកាសដល់យុវជនកសិករ ស្រ្តីជនបទ ជនជាតិដើមភាគតិច កសិករ បានបង្ហាញ

ទី២. ដើម្បីលើកឡើងពីបញ្ហាដីធ្លី ការបាត់បង់ធនធានធម្មជាតិ យុត្តិធម៌បរិស្ថាន ការប្រែប្រួលអាកាសធាតុ និងផលប៉ះពាល់ កិច្ចគាំពារសង្គម កង្វល់ និងតម្រូវការក្នុងវិស័យគោលនយោបាយឆ្លើយតបទៅការរស់នៅតាមតំបន់គោលដៅ ក៏ដូចជាបង្កើនកិច្ចសហការរវាងរាជរដ្ឋាភិបាល ក្រសួងពាក់ព័ន្ធ អាជ្ញាធរមូលដ្ឋាន និងអ្នកមានកាតព្វកិច្ចឱ្យគិតគូរដល់តម្រូវការ និងកង្វល់របស់សហគមន៍ដែលទាក់ទងនឹងបរិស្ថាន សិទ្ធិអាស្រ័យផលធនធានធម្មជាតិ ប្រព័ន្ធគាំរពារសង្គម សកម្មភាពបរិស្ថាន និងសិទ្ធិដីធ្លី ជាពិសេសជាឱកាសមួយសម្រាប់បរិយាកាសអំណោយផលដល់អ្នកចូលរួមឱ្យធ្វើការសហការដើម្បីដោះស្រាយ ឆ្លើយតបបញ្ហារួមគ្នា។

ទី៣. ដើម្បីឲ្យស្ថាប័នពាក់ព័ន្ធគ្រប់កម្រិត-អាជ្ញាធរ ប្រជាពលរដ្ឋសហគមន៍សហការជាមួយគ្នាក្នុងការជម្រុញការដោះស្រាយបញ្ហារបស់សហគមន៍ប្រកដោយដោយនិរន្តភាព ចេរភាព តម្លាភាព គណនេយ្យភាព និងផ្តល់នូវភាពស្របច្បាប់ក្នុងកិច្ចការងារពារបរិស្ថាន គាំពារសង្គម និងសិទ្ធិដីធ្លី។

គួបញ្ជាក់ផងដែរថា  យុទ្ធនាការជាសកល ១៦ថ្ងៃ ត្រូវបានរៀបចំឡើងចាប់ពីថ្ងៃទី១ ដល់ ១៦ ខែតុលា ជារៀងរាល់ឆ្នាំ និងមានការរៀបចំដោយសមាគមសម្ព័ន្ធសហគមន៍កសិករកម្ពុជា ដោយសហការជាមួយនឹងសមាជិកនៅតាមតំបន់គោលដៅរបស់ខ្លួន និងអង្គការដៃគូអភិវឌ្ឍន៍នានា៕