អត្ថបទ៖ សំនៀង

យោងតាមសេចក្ដីជូនដំណឹងរបស់រដ្ឋបាលខេត្តក្រចេះបានឲ្យដឹងថា រដ្ឋបាលខេត្ត នឹងរៀបចំចែកវិញ្ញាបនបត្រសម្គាល់កម្មសិទ្ធិសមូហភាពជូនសហគមន៍ជនជាតិដើមភាគតិច នៅក្នុងស្រុកអូរគ្រៀងសែនជ័យ ខេត្តក្រចេះ ដោយរដ្ឋបាលខេត្តស្នើដល់សាធារណជន មន្ទីរ អង្គភាពពាក់ព័ន្ធ និងប្រជាពលរដ្ឋ ស្ថិតនៅក្នុងសហគមន៍ជនជាតិដើមភាគតិចភូមិត្នោត ឃុំស្រែជិះ និងភូមិស្រែឈូក ឃុំរលួសមានជ័យ ស្រុកអូរគ្រៀងសែនជ័យ ដើម្បីអនុវត្តន៍តាមខ្លឹមសារនៃអនុក្រឹត្យលេខ ៨៣ អនក្រ.បក ចុះថ្ងៃទី០៩ ខែមិថុនា ឆ្នាំ២០០៩ របស់រាជរដ្ឋាភិបាលកម្ពុជា ស្ដីពីនីតិវិធី នៃការចុះបញ្ជីដីសហគមន៍ជនជាតិដើមភាគតិច។

លិខិតលេខ ៦៨៣ សជណ.ដប ចុះថ្ងៃទី២៨ ខែកក្កដា ឆ្នាំ២០២៣ របស់ទីស្តីគណៈរដ្ឋមន្ត្រីលិខិតលេខ ៦៨៤ សជណ ដប ចុះថ្ងៃទី២៨ ខែកក្កដា ឆ្នាំ២០២៣ របស់ទីស្តីគណៈរដ្ឋមន្ត្រី រដ្ឋបាលខេត្តក្រចេះ ក្រោមការសម្របសម្រួលពីមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត នឹងធ្វើការចែកវិញ្ញាបនបត្រ សម្គាល់កម្មសិទ្ធិសមូហភាពជូនដល់សហគមន៍ជនជាតិដើមភាគតិចទាំងពីរខាងលើ នៅថ្ងៃទី២០ ខែកញ្ញា ឆ្នាំ២០២៤ នៅបរិវេណសាលាបឋមសិក្សាភូមិស្រែត្នោត ស្ថិតនៅភូមិត្នោត ឃុំស្រែជិះ ស្រុកអូរគ្រៀងសែនជ័យ ខេត្តក្រចេះ។

រដ្ឋបាលខេត្តក្រចេះ ក៏បានស្នើដល់ធារណជន មន្ទីរ អង្គភាពពាក់ព័ន្ធ និងប្រជាពលរដ្ឋ ស្ថិតនៅក្នុងសហគមន៍ជនជាតិដើមភាគតិចភូមិត្នោត ឃុំស្រែជិះ និងភូមិស្រែឈូក ឃុំរលួសមានជ័យ ស្រុកអូរគ្រៀង សែនជ័យ ខេត្តក្រចេះ មេត្តាអញ្ជើញចូលរួមឲ្យបានកុះករ ដើម្បីទទួលយកវិញ្ញាបនបត្រសម្គាល់កម្មសិទ្ធិសមូហភាព ដីសហគមន៍ជនជាតិដើមភាគតិចនេះ៕ 

រូបភាព៖ ក្រសួងដែនដី