ដោយ៖ វិចិត្រ

បណ្តាញសហគមន៍ដីធ្លីក្នុងស្រុកមេមត់ ខេត្តត្បូងឃ្មុំ ប្រមានជា១០០នាក់ បានរៀបចំកម្មវិធី អបអរទិវា អន្តរជាតិ៨មីនា ខួបលើកទី១១៥ ក្រោមប្រធានបទ«គាំពារសង្គមឆ្លើយតបនឹងវិបត្តិ សម្រាប់ស្ត្រី ក្នុងវិស័យកសិស្បៀង» នៅព្រឹកថ្ងៃទី១០ ខែមីនា ឆ្នាំ២០២៦ ស្ថិតក្នុងភូមិចង្គំទី១ ឃុំទន្លូង ស្រុកមេមត់ ខេត្តត្បូងឃ្មុំ ដែលមានការសម្របសម្រួល និងគាំទ្រដោយសមាគម សហ គមន៍សម្ព័ន្ធ កសិករកម្ពុជា(CCFC)។

កម្មវិធីនេះធ្វើឡើងក្នុងគោលបំណងលើកកម្ពស់ការទទួលស្គាល់សិទ្ធិ និងសេចក្តីថ្លៃថ្នូររបស់ ស្ត្រីជនបទ ជម្រុញប្រព័ន្ធគាំពារសង្គមដែលមានបរិយាប័ន្ន និងការឆ្លើយតបនឹងវិបត្តិ និងការ ពង្រឹងសំឡេង និងសិទ្ធិអំណាចស្ត្រីក្នុងការសម្រេចចិត្ត។

តំណាងសហគមន៍ចង្គុំទី១ ក្នុងភូមិចង្គំទី១ ឃុំទន្លូង ស្រុកមេមត់ ខេត្តត្បូងឃ្មុំ លោក យ៉ែម គង់ បានឱ្យដឹង បើទោះជាសង្គមជាតិមានវឌ្ឍនភាពយ៉ាងណាក្តី ក៏ប៉ុន្តែស្ត្រីនៅក្នុងសហគមន៍របស់ លោកមួយចំនួននៅតែជួបបញ្ហាសុខភាព ដោយសារតែកង្វះការយល់ដឹង និងកត្តាជីវភាពរស់ នៅប្រចាំថ្ងៃ។ លោកបានបន្ថែមថា បញ្ហាបំណុលគ្រួសារចេះតែកើនឡើង ទើបធ្វើឱ្យស្ត្រីមិន បានយកចិត្តទុកដាក់លើរឿងបញ្ហាសុខភាព ដោយពួកគាត់ខ្វល់តែពីរឿងរកលុយ ដើម្បីយក ដោះស្រាយបំណុល និងចិញ្ចឹមក្រពះប្រចាំថ្ងៃ។

លោក យ៉ែម គង់បានឱ្យដឹងដែរថា ក្រៅតែពីបញ្ហាខាងលើ ស្ត្រីនៅក្នុងសហគមន៍របស់លោក មួយចំនួនក៏នៅតែទទួលរងពីបញ្ហាអំពើហិង្សាក្នុងគ្រួសារ ទាំងអស់នេះគឺបណ្តាលមកពីកង្វះ ការអប់រំ និងចំណេះដឹងផ្សេងៗ។

ក្នុងនាមតំណាងសហគមន៍លោក បានស្នើដល់ភាគីពាក់ព័ន្ធទាំងអស់ជួយបង្កើនការអប់រំដល់ ស្ត្រីនៅក្នុងសហគមន៍របស់លោកឱ្យបានយល់ដឹងបន្ថែមអំពីបញ្ហាសុខភាព និងស្នើដល់រដ្ឋាភិ បាលជួយផ្តល់ប័ណ្ណមូលនិធិសមធម៌សុខាភិបាលបន្ថែមទៀតដល់ប្រជាពលរដ្ឋនៅក្នុងសហ គមន៍ ដើម្បីពួកគាត់អាចមានលទ្ធភាពក្នុងការថែទាំ និងព្យាបាលសុខភាព៕