ដោយ៖ សំនៀង

ឯកឧត្តម ចាន់ ស៊ីណាត រដ្ឋលេខាធិការក្នុងនាមតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធន ធានទឹក និងឧតុនិយម នៅថ្ងៃទី១៩ ខែកុម្ភៈ ឆ្នាំ២០២៦ បានបន្តដឹកនាំគណៈប្រតិភូធនាគារអភិវឌ្ឍន៍ អាស៊ី (ADB) ចុះពិនិត្យវឌ្ឍនភាពការងារនៃគម្រោងកែលម្អវិស័យធារាសាស្ត្រកសិកម្ម (IAIP) កំពីងពួយ ស្ថិតក្នុងភូមិសាស្ត្រខេត្តបាត់ដំបង។

ក្នុងឱកាសចុះពិនិត្យផ្ទាល់ដល់ទីតាំងគម្រោង ឯកឧត្តមរដ្ឋលេខាធិការបានគូសបញ្ជាក់ពីសារៈសំខាន់ នៃការធ្វើទំនើបកម្មវិស្វកម្មធារាសាស្ត្រគ្រប់ជ្រុងជ្រោយនេះ ដែលជាសមិទ្ធផលក្រោមហិរញ្ញប្បទានសហ ប្រតិបត្តិការពីដៃគូអភិវឌ្ឍន៍ ADB ក្នុងគោលដៅពង្រឹងសន្តិសុខទឹកសម្រាប់បម្រើឱ្យការបង្កបង្កើនផលជូន ប្រជាកសិករ។

ឯកឧត្តមបានបញ្ជាក់បន្ថែមថា ប្រព័ន្ធធារាសាស្ត្រទំនើបកម្មនេះ នឹងផ្តល់លទ្ធភាពខ្ពស់ក្នុងការផ្គត់ផ្គង់ទឹក សម្រាប់ស្រោចស្រពដំណាំស្រូវ និងដំណាំរួមផ្សំ ដែលប្រជាកសិករអាចដាំដុះបានច្រើនដងក្នុងមួយឆ្នាំ។ ក្រៅពីការបម្រើឱ្យវិស័យកសិកម្ម ក្រសួងធនធានទឹក និងឧតុនិយម ក៏បានយកចិត្តទុកដាក់ខ្ពស់លើការ ជំរុញវិស័យទេសចរណ៍ និងវិស័យឧស្សាហកម្មផងដែរ។

សូមជម្រាបថា គម្រោង IAIP កំពីងពួយ គឺជាផ្នែកមួយនៃកិច្ចខិតខំប្រឹងប្រែងរបស់ក្រសួងធនធានទឹក និង ឧតុនិយម ក្នុងការធ្វើទំនើបកម្មហេដ្ឋារចនាសម្ព័ន្ធប្រព័ន្ធធារាសាស្ត្រនៅកម្ពុជា ដើម្បីឆ្លើយតបទៅនឹង ការប្រែប្រួលអាកាសធាតុ និងការអភិវឌ្ឍប្រកបដោយចីរភាព សំដៅធានាឱ្យបាននូវការគ្រប់គ្រងធនធាន ទឹកប្រកបដោយប្រសិទ្ធភាពខ្ពស់សម្រាប់ពេលបច្ចុប្បន្ន និងទៅអនាគត៕