តាមប្រភពពត៌មានបានឱ្យដឹងថា ម្ចាស់គណនីហ្វេសប៊ុកក្លែងក្លាយឈ្មោះ Chivann Pen ហៅតាប្រមឹក ត្រូវបានសមត្ថកិច្ចឃាត់ខ្លួន ហើយតុលាការកំពុងដំណើរការនីតិវិធីតាមផ្លូវច្បាប់។ កន្លងទៅ គណនីហ្វេសប៊ុនឈ្មោះ Chivann Pen ហៅតាប្រមឹក បានបង្ហោះសារលើកឡើងអំពីការកិបកេងប្រាក់ដោយ លោក ព្រាប កុល និង លោក យ៉ង់ សាំង កុមារ ហើយដែលព័ត៌មាននៃការលើកឡើងទាំងអស់​នោះត្រូវបានសាម៉ីខ្លួនទាំងពីរនាក់ បដិសេធ និងបញ្ជាក់ថាជាការប្រឌិតដើម្បីបង្ខូចកេរ្តិ៍ឈ្មោះរបស់បុគ្គលទាំងពីរនាក់។ សូមបញ្ជាក់ផងដែរថា លោក ព្រាប កុល និងលោក យ៉ង សាំងកុមារ សុទ្ធសឹងជាអតីតបុគ្គលល្បីៗ និងមានការទទួលស្គាល់ច្រើនក្នុងវិស័យអង្គការសង្គមស៊ីវិល ក្នុងរយៈកាលមុនពេលអ្នកទាំងពីរក្លាយជាសមាជិករាជរដ្ឋាភិបាល។ 

បន្ទាប់ពីការបង្ហោះសារក្នុងហ្វេសប៊ុករួចមក សារព័ត៌មានអន្តរជាតិជាខេមរៈភាសា និងសារព័ត៌មានដែលមាននិន្នាការនយោបាយផ្ទុយពីរាជរដ្ឋាភិបាលបានយកទៅចុះផ្សាយព្រោងព្រាត ជាហេតុធ្វើឱ្យឱ្យរឿងរ៉ាវកាន់តែផ្ទុះការចាប់អារម្មណ៍។

គណនីហ្វេសប៊ុកក្លែងក្លាយឈ្មោះ Chivann Pen ហៅតាប្រមឹក ត្រូវបានសង្ស័យថាមានឈ្មោះពិតប្រាកដ ឈ្មោះ យ៉ង់ ប៉ាក់ ភេទប្រុស កើតឆ្នាំ១៩៨០ មុខរបរជា អគ្គនាយកប្រតិបត្តិក្រុមហ៊ុន AGRIBEE (Cambodia) PLC។ ផ្អែកតាមការបង្ហោះរបស់គណនីហ្វេសប៊ុកឈ្មោះ មយូរា ទឹកកក បានឱ្យដឹងថា អយ្យការអមសាលាដំបូងរាជធានីភ្នំពេញ បានចេញដីកាបង្គាប់ឱ្យចូលខ្លួន ដោយឱ្យកម្លាំងសមត្ថកិច្ចនាំខ្លួន/ចាប់ខ្លួនឈ្មោះ យ៉ង់ ប៉ាក់ ភេទប្រុស កើតឆ្នាំ១៩៨០បញ្ចូនមកស្ថាប័នអយ្យការ។

អ្នកតាមដាននយោបាយ និងអ្នកដែលបានស្គាល់គណនីហ្វេសប៊ុកក្លែងក្លាយឈ្មោះ Chivann Pen កំពុងតាមដានមើលការពិតលើបុគ្គលឈ្មោះ ឈ្មោះ យ៉ង់ ប៉ាក់ ថាពិតជាមានឈ្មោះពិតប្រាកដឈ្មោះ យ៉ង់ ប៉ាក់ ពិតប្រាកដ ឬយ៉ាងណា៕