ដោយ៖ វិចិត្រ

ក្រុមអ្នកជំនាញនៃក្រសួងបរិស្ថានបានរកឃើញវត្តមានប្រភេទសត្វ​ព្រៃមាន​ដោយ​កម្រ ប្រភេទ​ កំពុងរងគ្រោះថ្នាក់ជិតផុតពូជ ប្រភេទទទួលរងគ្រោះថ្នាក់ ប្រភេទជិត​ទទួល​រង​គ្រោះថ្នាក់ ចំនួន ១៤ប្រភេទ ក្នុងការសិក្សារយៈពេល ៣ខែ ចាប់ពីដើមខែមេសា ដល់ចុងខែមិថុនា ឆ្នាំ ២០២៦។

យោងតាមលទ្ធផលនៃការសិក្សារបស់គម្រោងនិរន្តរភាពតំបន់ទេសភាព និងទេសចរណ៍​ធម្ម​ជាតិ​កម្ពុជានៃក្រសួងបរិស្ថានប្រភេទសត្វដែលក្រុមអ្នកជំនាញបានកត់ត្រាមានដូចជា ដំរីអាស៊ី ខ្ទីង កែះ ប្រើសស្បូវ ខ្លាឃ្មុំតូច ខ្លាឃ្មុំធំ ខ្លាភ្ញីថ្មកែវ ឆ្កែព្រៃ កំពីងដូង ស្វាក្តាម ស្វាត្រោស ខ្ទីន និងពង្រូល ព្រមទាំងថនិកសត្វ បក្សី និងល្មូនមួយចំនួនទៀត។ ការរកឃើញនេះបង្ហាញថា ឧទ្យានជាតិជួរភ្នំក្រវាញ ក្នុងភូមិសាស្ត្រខេត្តកំពង់ស្ពឺ និងខេត្តកោះកុង នៅតែជាជម្រក​ដ៏សំ​ខាន់​​សម្រាប់ការអភិរក្សជីវចម្រុះ។

ជាមួយគ្នានេះ ក្រុមអ្នកជំនាញក៏បានកត់ត្រានូវវត្តមាន សត្វភេខ្លួនរលោង  ដែលជាប្រភេទ​សត្វ​ងាយទទួលរងគ្រោះ  ក្នុងបញ្ជីក្រហមរបស់អង្គការ IUCN។ ភេប្រភេទនេះ ក៏កំពុងរងគ្រោះ​ដោយ​សារការទាក់ចាប់ ដើម្បីធ្វើពាណិជ្ជកម្ម ការបរបាញ់ និងការបាត់បង់ទីជម្រក៕