អត្ថបទ៖  យូ វាសនា​

យោងតាមសេចក្តីជូនដំណឹងរបស់ក្រសួងមហាផ្ទៃជម្រាបមកឈោ្មះ ប្លុក ភារម្យ, ភេប ឡ, ឌុច សាគី, សឹង ករុណា និងឈោ្មះ អល រ៉ូហ្វ តំណាងប្រជាពលរដ្ឋចំនួន ១ ៣១៨គ្រួសារ ករណីសំណើសុំជួយដោះស្រាយទំនាស់ដីធ្លីជាមួយក្រុមហ៊ុន កសិកម្ម យុវជន ស្វាយរៀង ខូអិលធីឌី ស្ថិតនៅឃុំកោះខ្មែរ ស្រុកសំបូរ ខេត្តក្រចេះ បានឱ្យដឹងថា ក្រសួងមហាផ្ទៃបាន ទទួលរួចហើយនូវលិខិតស្នើសុំជួយដោះស្រាយទំនាស់ដីធ្លីជាមួយក្រុមហ៊ុន កសិកម្ម យុវជន ស្វាយរៀង ខូអិលធីឌី ស្ថិតនៅភូមិបាយសំណុំ, ភូមិជើងពាត, ភូមិកំពង់ព្នៅ, ភូមិកោះច្បារ និងភូមិ ស្វាយចេក ឃុំកោះខ្មែរ ស្រុកសំបូរ ខេត្តក្រចេះ។ ក្រសួងមហាផ្ទៃបានពិនិត្យឃើញថាសំណើខាងលើស្ថិត ក្រោមសមត្ថកិច្ចរបស់អាជ្ញាធរជាតិដោះស្រាយទំនាស់ដីធ្លី ហេតុនេះក្រសួងមហាផ្ទៃមិនអាចលើកយកមកដោះស្រាយបានឡើយ។

គួរំលឹកដែលកាលថ្ងៃទី១៩ខែវិច្ឆិកា ឆ្នាំ២០២៤កន្លងទៅ ក្រុមតំណាងប្រជាពលរដ្ឋទាំងអស់បានមកដាក់ញត្តិនៅក្រសួង៣បន្ថែមទៀតដើម្បីឱ្យក្រសួងដែលពាក់ពន្ធ័ទាំង​​នេះជួយរកដំណោះ​ស្រាយជួនពួកគាត់ ពោលគឺក្រសួងយុត្តិធម៌ ក្រសួងបរិស្ថាន និងក្រសួងកសិកម្ម រុក្ខាប្រមាញ់និងនេសាទ។ ខណៈដែលការដាក់ញត្តិលើកទី១ គឺនៅថ្ងៃទីកាលពីថ្ងៃទី៦ ខែវិច្ឆិកា ឆ្នាំ២០២៤កន្លងទៅ​បានដាក់នៅក្រសួងរៀបចំដែនដី នគររូបនីយកម្ម និងសំណង់  ក្រសួងមហាផ្ទៃ ខុទ្ទកាល័យសម្តេចនាយករដ្ឋមន្ត្រី៕